Më datë 29-30 nëntor me rastin e 100 Vjetorit të Pavarësisë, Fondacioni M&M Ivanaj ka vendosur të hapë për publikun shqiptar, për herë të parë në 73 vite, vilën e ndërtuar prej vëllezërve Martin dhe Mirash Ivanaj, e cila u konfiskua nga fashistet italiane në
1939, e më vonë në 1950 nga qeveria komuniste shqiptare.
Kjo shtëpi do të hapë dyert e saj për vizitorët e interesuar në një udhetim historik. Fondacioni Ivanaj ka bërë një përpjekje të madhe për ta shndërruar këtë shtëpi historike në një ekspoze i cili përmban fotografi personale të Familjes, objekte historike, si dhe panele informative që tregojnë kontributin e vëllezerve Ivanaj në fushën e edukimit dhe legjislaturës.
Vila e Ivanajve ndodhet mbrapa hotel Karlsberg, kryqëzimi i rrugës
“Perlat Rexhepi” dhe “Pashko Vasa”.