Në datën 25 nëntor, në ambientet e Muzeut Historik Kombëtar do të hapet një ekspozitë me dorëshkrime bizantine dhe pasbizantine në
Shqipëri, e cila do të qëndrojë e çelur deri më 2 dhjetor.
Kjo ekspozitë paraqet, krahas 29 paneleve fotografike, edhe një
numër kodikësh origjinal. Këto dorëshkrime, që do të paraqiten
në Pavijonin e Ikonave, janë pjesë e trashëgimisë kulturore dhe religjioze të shqiptarëve, e cila është ruajtur ndër shekuj në Shqipëri. Do të vendosen dhe dy kodikët e purpurt të Beratit, Beratinus 1 dhe Beratinus 2, si dhe dorëshkrime të tjera me rëndësi kryesisht vizive.
Përmbajtja e këtij koleksioni të dorëshkrimeve është kryesisht
fetare. Vetëm disa syresh kanë përmbajtje tekstesh filozofike.
Këto monumente të artit pamor që janë përdorur në territorin e
Shqipërisë së sotshme, kanë luajtur rol funksional në jetën e
përditshme adhuruese të besimtarëve të krishterë ortodoksë.