Nga data 26 deri më 28 nëntor Bashkia e Tiranës do të festojë 100-Vjetorin e Pavarësisë duke i ofruar qytetarëve një program intensiv aktivitetesh të ndryshme.
Festimet hapen në datën 26 nëntor, datë, e cila për qytetin e Tiranës është e veçantë, sepse para 100 vjetësh është ngritur flamuri i pavarësisë. Dita do të vazhdojë me shumë aktivitete të tjera të vendosura në të gjithë territorin e qytetit të Tiranës, si nisja e përgatitjes së tortës gjigante, hapja e panairit të produkteve
shqiptare, ekspozitave të ndryshme, ceremoni përurimesh dhe koncerte me muzikë të ndryshme në hapësira publike dhe në ambiente të mbyllura me pjesëmarrje të bandave të “rock”-ut nga Tirana por edhe nga qytete të tjera të Shqipërisë, Kosovës, Maqedonisë, Malit të Zi,
Preshevës etj.
Po kështu do të vazhdojë edhe dita e 27 nëntorit.
Nga aktivitete e kësaj dite mund të veçojmë koncertin e orës 20:00, me grupe rock me repertor patriotik, zhanër ky i ri por i zhvilluar me sukses nga të rinjtë të talentuar, jo vetëm nga Shqipëria por edhe nga Kosova, Maqedonia, Mali i Zi, Presheva e kudo tjetër.
Kulmi i festimeve do të jetë data 28 nëntor, dita e pavarësisë, kur programi do jetë më intensiv, më i larmishëm dhe për të gjithë grupmoshat e qytetarëve të Tiranës.
Për më tepër informacion klikoni:
www.tirana.gov.al/sq/Lajmet-Aktuale/Bashkia-e-Tiranës,-3--ditë-festë-madhështore-për-100-vjetor ine-Pavarësisë-5312