Më 24 dhe 25 nëntor, në sallën "Çehov" të Teatrit "Metropol", do të
shfaqet premiera e re për fëmijë "Muzeu i flamujve" me regji të Armela Demaj, autor Llukan Xhagjika, skenografe dhe kostumografe është Holta Çika.
Interpretojnë: Brunilda Borova, Rudi Kocibelli, Klaus Laci, Anisa Leka, Eneid Karasani, Noel Natali Zheku.
Në “Muzeun e Flamujve” bëhet fjalë për vitin 2012 kur Shqipëria
feston 100-Vjetorin e Pavarësisë. Në shtëpinë e nënë Marës, në
Vlorë, Krenari, nipi i saj, ka vendosur ta kthejë shtëpinë e tyre në një muze flamujsh. Kjo sepse stërgjyshja e tij, Marigoja, ka qëndisur flamurin që u ngrit nga Ismail Qemali në 1912. Për këtë janë angazhuar fëmijë shqiptarë që jetojnë në vende të ndryshme të botës që do të sjellin flamujt shqiptarë dhe do ti vendosin në muze.
Kur fëmijët me nacionalitet të huaj, por prejardhje nga treva të
ndryshme të Shqipërisë, vijnë në shtëpinë e nënë Maros, në Vlorë,
sjellin me vete, edhe traditat dhe këngët e trevave të tyre, të cilat
ata nuk i kanë harruar.