Në datën 24 dhe 25 nëntor, në orën 20:00, teatri privat ODA
i Prishtinës, do të shfaqë në Teatrin Kombëtar të Komedisë
“Sikur kjo të ishte shfaqje”, bazuar në dramën e Almir Imshireviq. Kjo dramë vjen në regji të Agon Myftarit dhe interpretimin e Rebeka Qenës, Adrian Morinës, Armend Ismajlit dhe Besnik Krapit.
Ngjarjet zhvillohen në autobusin nr 4, gjatë kohës së luftës në Prishtinë në afërsi të hotelit “Union”. Një plumb snajperi thyen xhamin dhe qëllon një të ri të moshës 26 vjeçare. Këtu një zonjë e veshur në të bardha, e cila qëndron pranë tij në autobus fillon të bërtasë. Dy orë më vonë, ajo është parë sërish tek Xhamia e madhe në afërsi të kafenesë “Romantika” por kësaj radhe në shoqëri me
një shoqe më të re nga mosha.