Duke filluar nga data 22 tetor artdashësit e Tiranës mund të vizitojnë
në M.A.D center & gallery të Universitetin POLIS, dhe në ZETA Galeri, ekspozitën grafike me titull “Imazhe të kaosit dhe rregullit në
shoqëritë e reja”. Si pjesë e "Javëve të Arkitekturës së Tiranës" (TAW) të Universitetit POLIS, dhe aktiviteteve të “Tetorit Gjerman” në Tiranë, kjo ekspozitë e bazuar në temën I.C.O.N.S. (Image of Chaos and Order in New Societies) është fryt i bashkëpunimit të
artistëve shqiptarë të Qendrës së Multimedias Art & Design „MAD“ të
Departamentit të Artit dhe Dizajnit të Universitetit POLIS dhe Galerisë së Artit të Berlinit „Manière Noire“.
Ekspozita, e cila përbëhet nga dy pjesë, do jetë e vendosur në dy institucionet e lartpërmendura, dhe do të qëndrojë e hapur deri më 20 nëntor. Ekspozita synon të njohë publikun me punime të grafikës bashkëkohore nga autorë të ndryshëm me famë botërore.
Në ekspozitë marrin pjesë Peeter Allik (Estoni), Eric Seidel (Gjermani), Malgorzata Et – Ber Warilokovska (Poloni), Franca Bartholomäi (Gjermani), Majla Zeneli (Shqipëri-Gjermani), Mikael
Kilman (Suedi), Małgorzata Malwina Niespodziewana (Poloni), Agron Mesi (Shqipëri) dhe Alket Frashëri (Shqipëri).
Galeria ZETA ndodhet në Rr. Abdyl Frashëri, pall. 31, Tiranë, dhe është e hapur nga e hëna deri të shtunën,
ora 09.30 - 20.00.
|