Në kuadër të 100 vjetorit të Pavarësisë së vendit, inventarit të
Muzeut Historik të Shkodrës, ku gjendet një pasuri e madhe me vlera arkeologjike, etnografike, arkivore e bibliotekare, do t’i shtohet një sallë e re, ku do të ekspozohen materiale me mjaft interes.
Kjo sallë është planifikuar të vihet në shfrytëzim në kuadër të aktiviteteve kushtuar 100-Vjetorit të Shpalljes së Pavarësisë.
Në inventarin e Muzeut ndodhen materiale që nga periudhat e hershme të Neolitit, gjashtë mijë vjet para Krishtit, dokumente që flasin për historinë mijëvjeçare të Shkodrës dhe të rrethinave të saj e më gjerë, për të vijuar në mesjetën e mëvonshme të shekullit të XVI, deri në ditët tona, të sistemuara në mënyrën më të mirë,
falë investimit të viteve të fundit të Ministrisë së Kulturës.
|