Në fillim të gushtit, në aeroportin ndërkombëtar “Nënë Tereza” në Rinas u hap një pikë informacioni turistik, e cila do tu shërbeje të gjithë udhëtareve që vijnë në Shqipëri përmes këtij aeroporti duke u dhënë informacionin e duhur për destinacionet turistike në vend.
Kjo pikë është produkt i bashkëpunimit midis Agjencisë Turke për Bashkëpunim dhe Zhvillim Ndërkombëtar “TIKA”, Ministrisë së Turizmit, Kulturës, Rinisë dhe Sporteve të Shqipërisë dhe Aeroportit
të Tiranës.
Pika e Informacionit Turistik ndodhet brenda hollit të pritjes
së pasagjerëve të aeroportit.
Ajo administrohet nga Zyra e Shërbimit Turistik të Ministrisë, në të cilën do të ofrohen shërbime si dhe informacion të detajuar lidhur me destinacionet turistike në vend.
Pritet që në të ardhmen, një pikë e tillë të hapet edhe në Portin e
Durrësit, një tjetër portë hyrëse e rëndësishme për Shqipërinë.