Festivali i Dramës Shqipe në
Teatrin Kombëtar mbyllet me dramën
“Një varr për Majorin e Mbretit”, e cila
shfaqet më 20 nëntor, ora 20:00.
Kjo dramë e Haqif Mulliqit është vënë
në skenë nga Teatri Kombëtar i
Prishtinës. Aty shpaloset dhembja e
njeriut kur ballafaqohet me
pamundësinë e varrosjes së eshtrave
të njeriut të tij më të dashur, vetëm
pse dikujt a disave (që përfaqësojnë
një kastë politike - pushteti), u teket
çmendurisht t’ia mohojnë edhe varrin.
Drama “Një varr për majorin e mbretit”
të rikthen në antikën e Antigonës dhe
Kreonit, duke zgjuar, kështu,
reminishencën individuale njerëzore
dhe kolektive për patjetërsueshmërinë
e ngjadhnjimit të ligjeve e kodeve të
pashkruara morale të shoqërisë
njerëzore ndaj ligjeve formalo-juridike.
|