Premiera e komedisë “14 vjeç dhëndër” do të jepet në datat 17, 18, 23, 24 dhe 25 nëntor, ora 19:00, në sallën “Shekspir” të Teatrit “Metropol” në Tiranë.
Komedia e njohur e Andon Zako Çajupit ngjitet për herë të parë në skenën e teatrit shqiptar me rastin e 100 Vjetorit të Pavarësisë
së Shqipërisë.
Regjisorja e shfaqjes është Elma Dorezi,
drejtor artistik: Suela Konjari dhe interpretojnë:
Marsela Lena, Klodian Hoxha, Devis Muka, Arjeta Dhima, Lorenc Kaja, Eriona Kakeli, Genti Deçka, Alban Musa, Ajlin Petrela, Aldion
Matarangasi, Klaus Laçi.
Regjisorja ka menduar që “14 vjeç dhëndër” ta mbajë në grotesk.
Ky zhanër përfshin si interpretimin e roleve ashtu edhe skenografinë dhe kostumografinë. Në shfaqje është bërë një adaptim i tekstit, i bazuar tek Çajupi me të njëjtët personazhe. Nuk do të ketë ndryshim
kohe, por ndryshim në strukturë, komstumografi, skenografi e
interpretim. Një nga trajtimet e personazheve është ndryshimin i gjinive jo tek aktorët, por në interpretimin e personazheve, që do të thotë, gratë do të sillen si burra dhe burrat si gra, gjë që vihet re kryesisht tek dyshja jonë kryesore, Tanë dhe Vangjel, apo dhe tek dyshja Gjino- Marigo.