Më datë 18 nëntor, në orën 11:00, në ambientet e Muzeut
Historik Kombëtar, hapet ekspozita “Personalitete franceze për Shqiperine dhe shqiptaret”
Kjo ekspozitë foto-dokumentare i kushtohet dy personaliteteve nga
Franca, të cilët kanë dhënë ndihmesë për Shqipërinë e shqiptarët në vitet midis dy Luftrave Botërore. Bëhet fjalë për Justin Godart dhe Leon Rey. I pari një jurist i njohur e politikan në Francë, deputet e ministër, kontriboi fuqishëm për çështjen shqiptare sidomos pranë
organizmave ndërkombëtare. I njohur si një prej mbështetësve më në zë të Shqipërisë në arenën ndërkombëtare, ai gjatë vizitave të tij në vendin tonë u prit me madhështi si nga autoritetet, por sidomos nga qytetarët e thjeshtë. Ndërsa i dyti ka qenë një ndër arkeologët më në zë të kohës së vet dhe që pikërisht në vendin tonë ai ka kryesuar Misionin Arkeologjik francez. Puna e tij dhe ekipit të vet u
kurorëzua me zbulimet e rëndësishme të kryera në Pojan, Apolloninë antike.
|