Në datat 18, 19 dhe 20 nëntor, ora 19:00, në kuadër të 100-Vjetorit
të Pavaresisë, Teatri Kombëtar i Operes dhe Baletit, do të sjellë në
skenën e tij operën "Scanderbeg" të Vivaldit, e cila nuk është interpretuar asnjeherë e plotë. Vepra e Vivaldit i jep më shumë vlerë epokës dhe heroit tonë kombëtar në këtë vit jubilar të shpalljes
së pavarësisë së vendit.
“Scanderbeg” është një operë me tri akte, me libret të Antonio Salvit. Për herë të parë u shfaq në “Teatro della Pergola” në Firence, më 22 qershor 1718, duke shënuar dhe rihapjen e këtij teatri.
Sot nga kjo operë janë vetëm disa fragmente, të cilat janë restauruar, dhe do të ngjitet e plotë në skenën TOB.
|