Në datën 19 nëntor, ora 20 :00, në Teatrin Kombëtar do të shfaqet
tragjikomedia “Fqinjët” nën regjinë e Alfred Trebickës.
Vepra është shkruar nga dramaturgu Ruzhdi Pulaha.
Interpretojnë aktorët: Violeta Trebicka, Marjana Kondi, Gëzim Rudi,
Adelina Muça, Dasara Xhangolli, Marsias Lila, etj.
Në këtë tragjikomedi ngjarjet zhvillohen në një fshat të Greqisë së veriut, në shtëpinë e një fermeri grek. Barba Kosta jeton me familjen e tij dhe kantinën e verës në të cilën ka punësuar një familje të re shqiptare në biznesin e tij. Dashuria e nipit Marko me Borën, motrën e Beharit (Lefterit), nxit zhvillimin e ngjarjeve. Konflikti bazë është
kombësia e dy të dashuruarve, por dy të rinjtë kanë një aleat shumë të fortë, Barba Kostën dhe Jaja Aspasinë, e cila e do Bardhën si vajzën e saj. Me ardhjen e prindërve të Bardhës, Vasilit dhe Shegës, vepra mer një zhvillim të ri, por pa anashkaluar dashurinë e dy të rinjve e cila vendoset në një situatë vërtet të vështirë.