Nga data 14-18 Nentor, në Pallatin e Kongreseve në Tiranë, mbahet edicioni i 15-të i Panairit të Librit me pjesëmarrjen e botuesve shqiptarë jo vetëm brenda kufijve shqiptarë, por dhe jashtë tyre.
Pritet që këtë vit të ketë rreth 85 botues, ku nuk do të mungojnë dhe ata nga Kosova. Këtë vit në fokus të tij do të jetë dhe 100-Vjetori i Pavarësisë. Në pesë ditët që ai do të zhvillohet do të ketë edhe aktivitete e promovime të ndryshme. Panairi do të presë të ftuar të veçantë, autorë të huaj apo që vijnë nga diaspora, por edhe mjaft autorë shqiptarë të fushave të ndryshme.