Në datën 10, 11, 17, 18 nëntor, ora 19:00, në Teatrin Kombëtar të
Komedisë, do të shfaqet komedia “Harroje Dashurinë”.
Kjo komedi e shkruar dhe e vënë në skenë nga Erion Kame trajton temën e shoqërisë së mashtrimit, ku shpirtrat e pastër janë më të dobëtit, dhe “të fortit” e bëjnë “pis” ndërgjegjen e pastër të
shpirtrave të sinqertë. Në qendër të veprës është një çift, ku gruaja
ka një lidhje jashtë martesore. Burri në një moment pëson aksident me makinë. Nga ky aksident bie në koma dhe zgjohet vetëm pas 20 vjetësh, por ndërkohë atij i ka ikur dhe memoria. Burri nuk mban mend asgjë nga jeta e tij e mëparshme, edhe pse gruaja mundohet
që t’ia risjellë në mendje. Këtu hyn në lojë një psikolog, i cili bën çmos që ti rikthejë kujtesën burrit. Ngjarjet në vepër vijnë njëra pas tjetrës. Në fund burrit i rikthehet kujtesa dhe vepra ka një fund të lumtur.
Interpretojnë: Helidon Fino, Genc Fuga, Elia Zaharia, Lulzim Zeqja, Xhevahir Zeneli, Arjola Basho dhe Esmeralda Kame.
Kjo shfaqje jepet në kuadrin e Festivalit Mbarëkombëtar të
Dramës Shqipe, i cili zhvillohet nga data 10 deri më 17 nëntor në Tiranë.