Premiera e komedisë “14 vjeç dhëndër” do të jepet në datën 17
nëntor, në sallën “Shekspir” të Teatrit të Metropolit në Tiranë.
Komedia e njohur e Andon Zako Çajupit ngjitet për herë të parë në
skenën e teatrit shqiptar me rastin e 100 vjetorit të Pavarësisë së
Shqipërisë. Regjisorja e shfaqjes është Elma Dorezi.
Në ndryshim nga filmi, regjisorja ka menduar që “14 vjeç dhëndër” ta mbajë në grotesk. Ky zhanër do të përfshijë si interpretimin e roleve ashtu edhe në skenografinë dhe kostumografinë. Në shfaqe është bërë një adaptim i tekstit, i bazuar tek Çajupi me të njëjtët
personazhe, por duke sjell skena dhe karaktere të ndryshëm dhe interesant. Nuk do të ketë ndryshim kohe, por ndryshim në strukturë, kostumografi, skenografi e interpretim. Një nga trajtimet e personazheve do të jetë ndryshimin i gjinive jo tek aktorët por në interpretimin e personazheve, që do të thotë, gratë do të sillen si burra dhe burrat si gra. Gjë që do të vihet re kryesisht tek dyshja jonë kryesore, Tanë dhe Vangjel, apo dhe tek dyshja Gjino- Marigo.