Më 16 nëntor, ora 18:00, në Teatrin Kombëtar të Komedisë do të shfaqet drama "Frigoriferi", e autorit Naser Shatrolli dhe regji të Fatmir Hysenit.
Luajnë aktorët: Dardana Mehmeti e Nexhat Xhokli.
Në kohën e luftës dhe të bombardimeve të NATO’s (më 1999), dy heronjtë e dramës, Atdheu dhe Liria, ndodhen brenda një frigoriferi.
Ata të dy janë protagonistët e mesazhit të gjallë të dramës.
Pra, e idesë së trupit dhe shpirtit të konservuar e të mbajtur brenda frigoriferit, ftohtësisë së ndjenjave, mungesës së ndjesisë për jetën... Në fund, të dy heronjtë “pajtohen” që të jenë zarzavate
të futura në kavanoza dhe të paketuara në frigorifer, por jo edhe të përdhunuar...
Kjo shfaqje jepet në kuadrin e Festivalit Mbarëkombëtar të Dramës Shqipe, i cili zhvillohet nga data 10 deri më 17 nëntor në Tiranë.