Datë 15 nëntor ora 18:00, dance teatër “Ne-Ku-Ndër” e koreografit
Gjergj Prevazi, ngjitet në skenën e Teatrit të Komedisë.
Personazhi në shfaqje, interpretuar nga aktorja Ema Andrea, përfaqëson një intelektual idealist që ka prerë lidhjet me realitetin dhe, në dy monologë pasqyra e tij është shoqëria e dobët civile.
Gjatë shfaqjes ndërthuret gjuha e trupit me atë të folur, duke shtruar në këtë mënyrë shumë fenomene të shoqërisë shqiptare herë në mënyrë direkte më anë të tekstit dhe herë me ironi, apo sarkazëm.
Shfaqja flet për një teatër të angazhuar që ka një këndvështrim kritik karshi këtij realiteti, të cilin ne e kemi ndërtuar me vullnetin tonë, por vjen një ditë që ai kthehet në boomerang për ne, për shoqërinë. Teksti i shfaqjes është shkruar nga Kim Mehmeti dhe Ema Andrea, ndërkohë që balerinët si, Linda Shllaku, Elton Cefa,
Sueda Hoxha, Mateo Nushi, etj do të përformojnë nën muzikën e Hugues Le Bars, Teo Paoli, Nicholas Lens, Scorpions, etj.
Kjo shfaqje jepet në kuadrin e Festivalit Mbarëkombëtar të Dramës Shqipe, i cili zhvillohet nga data 10 deri më 17 nëntor në Tiranë.