Në ambjetntet e galerisë FAP është hapur një ekspozita “Vizatime '60 - '80” që do të qëndrojë e hapur deri më 13 nëntor.
Ekspozita është realizuar me punime të përzgjedhura nga Fondi i Fakulteti i Arteve të Bukura, me rastin e 100-Vjetorit të Pavarësisë.
Ky universitet ka nxjerrë nga arkiva e tij vepra të ishstudentëve
të saj. Sot ata janë piktorë të njohur, dhe disa të tjerë pedagogë pranë këtij universiteti. Kjo ekspozitë është pjesë e kolanës “Curriculum”, që është nisur që 5 vjet më parë nga vetë univesiteti,
për të promovuar fondin e Fakultetit të Arteve të Bukura. Ekspozita e 5 viteve më parë ishte një kolanë punësh të përzgjedhura në pikturë, kurse kësaj here bëhet fjalë për një përzgjedhje vizatimesh nga i njëjti fond. Në muret e galerisë FAP janë varur rreth 50 punime, të gjitha në laps, të dimensioneve rreth 100 x 70, 50 x 70 cm.
Ekspozita është konceptuar sipas ndarjeve tematike, si nudo, portrete, portrete punëtorësh, aksionistësh e modelesh të shkollës. Ndër autorët që kanë realizuar këto vizatime, mund të përmendim emrat e Anastas Kostandinit, Suzana Varvaricës, Lec Shkrelit,
Aleksandër Filipit, Gazmend Mukës, etj.