Versioni i restauruar i filmit "Nëntori i Dytë" do të hapë edicionin e 13-të të Festivalit të Filmit Shqiptar, i cili organizohet në Tiranë nga data 3 deri më 9 nëntor.
Filmi “Nëntori i Dytë” do të shfaqet në datë 3 nëntor, ora 17:30, në kinema “Millenium” në Tiranë. Shfaqja e këtij filmi në festival
është e rëndësishme për faktin se përkon me 100-vjetorit e shpalljes së pavarësisë të vendit.
Gjatë festivalit të filmit do të ketë tre shfaqje speciale, premiera të filmave botërorë dhe europianë, ndërsa në konkurrim janë 15 filma
artistikë dhe dokumentarë. Premierë do të jetë edhe dokumentari ‘Besa’ një prodhim hebre që ka pasur shumë sukses në botë.
Veç filmave do të ketë edhe aktivitete të tjera si workshope,
masterklase me njerëz, autorë të rëndësishëm, që t’i shërbejnë
komunitetit të kineastëve. Po kështu do të krijohet një ambient
në funksion të festivalit, i cili do të zhvillohet në kinema “Millenium”
edhe në gjithë Pedonalen, Galerinë Kombëtare të Arteve, Teatrin
Kombëtar dhe Teatrin Kombëtar të Komedisë.
Festivali financohet nga Ministria e Turizmit, Kulturës, Rinisë dhe
Sporteve dhe Bashkia e Tiranës.