Në datën 31 tetor, ora 17:00, në qendrën multifunksionale “TEN” të
Bashkisë së Tiranës, hapet ekspozita “Njëqind vjet dhe një ditë ose:
Cila puthje do të më zgjojë nga gjumi?”, e cila do të jetë e hapur çdo ditë deri në datën 3 nëntor nga ora 15:00-17:00. Kjo ekspozitë është një projekt i përbashkët i nxënësve të shkollës së mesme
të gjuhëve të huaja, “Asim Vokshi” dhe seksionit dygjuhësh pranë gjimnazit “Sami Frashëri”, ku ata trajtojnë ngjarjen e shumë kohëve më parë, zgjimin e “Bukuroshes së Fjetur” si dhe pasojat e mundshme. Në ekspozitë do të paraqiten qasje në zhanrin e fotografisë, pikturës e tregimit, madje deri në ideimin topografik të një vendi të magjepsur, tek i cili do të ecin të ftuarit. Etydet e shkurtra skenike në hapjen e ekspozitës do t`i përfshijnë vizitorët nëpërmjet mundësive të larmishme të largimit e rilindjes. Qendra TEN ndodhet në rrugën “Myslym Shyri”. Ky aktivitet, do zhvillohet në kuadrin e Tetorit Gjerman në Shqipëri.