Në datat 27, 28 tetor dhe 4, 5 nëndor, ora 19:00, në sallën
“Shekspir” të teatrit “Metropol” në Tiranë, rikthehet komedia
“Ëndrra në papafingo” e regjisorit Erjon Isait, me skenografi dhe kostumografi të Klajd Ymerit, nën drejtimin artistik të Suela Konjarit.
Bëhet fjalë për një multikomedi ku interpretojnë tetë personazhe… në tetë ëndrra në një shtrat, tetë aktorë, që dashurojnë brenda një shtrati. Janë tetë personazhe që veshin dhe zhveshin lëkura të shumë personazheve. Ngjarja e saj zhvillohet në një papafingo, ku
personazhet kanë dhomën e tyre të gjumit, vendin ku ata i rrëfehen vetes, po aty mund të shfaqin edhe ëndrrat dhe dëshirat e tyre.
Kjo komedi vjen e stilizuar, e ndërthurur duke kaluar nga një ngjarje në tjetrën, kur gjithmonë personazhet i përflasin ëndrrat.
Interpretojnë aktorët Natasha Sela, Albana Sançolli, Kastriot Rramollari, Ajlin Petrela, Lorenc Kaja, Denis Kurushi, Klesta Shero dhe Olta Çali.