Në ambientet e Muzeut Historik Kombëtar është hapur ekspozita
“Marrëdhëniet shqiptaro-ruse në dokumentet historike”. Kjo ekspozitë organizohet nga Arkivi Qendror Shtetëror në bashkëpunim me Ambasadën e Federatës Ruse. Materialet e përdorura si dokumente, harta, fotografi nga fusha politike, ekonomike, kulturore e fetare e që tregojnë marrëdhëniet midis dy vendeve janë nxjerrë nga arkivat shqiptare dhe ruse. Dokumentet datojnë qe nga shek.XVII e deri në ditet tona. Ekspozita do të qëndrojë e hapur deri më datë 30 tetor.