High Albania, organizon më 19 -21 tetor një ekskursion në Valbonë dhe Theth.
Nisja nga Tirana në orën 06:00, takimi përballë restorant Era e Re.
Në Kukës është planifikuar një pushim i shkurtër për kafe. Mbas kalimit të kufirit vazhdon udhëtimi drejt Gjakovës në Kosovë, ku është planifikuar të vizitohet Çarshia e Gjakovës (pazari i vjeter).
Më pas kalohet kufiri me Shqipërine për të vazhduar drejt Bajram Currit dhe më tej përgjatë luginës mbresëlënëse të Valbonës.
Rrugës do ketë ndalesa për të bërë fotografi. Në Valbonë akomodimi
bëhet në hotelin "Fusha e Gjësë".
Pas akomodimit kohë e lirë. Koha e udhëtimit me makinë rreth 6 orë. Koha e ecjes 1-2 orë në Grykën e Mutinës.

Ditën e dytë, pas mëngjesit do të niseni për në Theth duke ecur nëpër një shteg të vjetër që ka qënë përdorur prej shekujsh nga malësorët për të kaluar në luginën e Thethit dhe për të vazhduar më
tej për në Shkodër. Pothuajse e gjithë ecja është panoramike
dhe do të keni mundësinë të shikoni disa nga majat më tërheqëse të Alpeve tona. E gjithë ecja do të shkojë rreth 6-7 orë, do të ngjiteni 900m dhe do të zbrisni 1000m. Në Theth akomodimi është në një nga shtëpitë pritëse të Thethit.

Ditën e tretë, pas mëngjesit, do të shihni, kanionin e Grunasit, ujvarën e Grunasit, Kullën e Ngujimit, muzeun etnografik dhe
kishën e Thethit (e gjithë ecja do të jetë rreth 2-3 orë). Më pas kthimi në shtëpinë pritëse dhe me pas fillon udhëtimi për në Shkodër, ku do të bëni edhe një shëtitje në një nga rrugët e vjetra muzeale të qytetit. Mbërritja në Tiranë parashikohet rreth orës 19:00.

Për më shumë informacion:
e-mail: info@highalbania.al
cel: +355 69 40 31 232