Ditën e shtunë, datë 13 tetor, ora 19:00, në sallën Black Box të Universitetit të Arteve në Tiranë, jepet pjesa koreografike me titull “Extreme Makeover: Culture Clash”, ku luajnë së bashku Gjergj Prevazin dhe Katharina Maschenka Horn.
Të dy artistët janë dhe autorë të pjesës.
Katharina, një gjermane, përballet me sfidën më të madhe të jetës së saj, Shqipërinë! Në kërkim të identitetit të saj të ri Katharina përballet me dallime kulturore dhe situata në të cilat ajo - me mënyrën e të menduarit dhe logjikën e saj gjermane - nuk mund ti kuptojë. Në këtë pjesë, ajo do të pësojë një transformim që do të ndryshojë jetën e saj përgjithmonë: nga gjermane në
shqiptare. Kjo është një vepër mbi përplasjen, përzierjen, por edhe
çrrënjosjen e kulturave të ndryshme, ku vëzhgohet, identifikohet
dhe demonstrohet se si kulturat e ndryshme ndikojnë.
Ditën e hënë, 15 tetor 2012, ora 19.00, kjo shfaqje jepet në
Teatrin “Andon Zako Çajupi”, Korçë.
Ky aktivitet zhvillohet në kuadrin e Tetorit gjerman në Shqipëri