Në kuadrin e zhvillimit të edicionit të shtatë të “Albania Dance Meeting 2012”, në datën 14 tetor, ora 19:00, në sallën e madhe të Universitetit të Arteve në Tiranë, grupi norvegjez Wee me koreograf dhe valltar Francesco Scaveta do të japë pjesën “Surprised Body Project”. “Albania Dance Meeting” është një festival unik dhe tepër i rëndësishëm në llojin e vet.
Ai synon të bëhet arenë e shprehjes së aspiratave krijuese të artistëve nga vende të ndryshme. Këtë vit në këtë festival marrin pjesë grupe nga Italia, Norvegjia, Maqedonia, Kosova dhe Shqipëria.
Festivali Ndërkombëtar i Dancit Modern Bashkëkohor ka krijuar kushte mjaft të mira për njohjen e tendencave të dancit modern bashkëkohor për studentët e degës së Koreografisë.
Këtë vit festivali u mbajt nga data 7 deri më 15 tetor në Teatrin e Durrësit “Aleksandër Moisiu” si dhe në Tiranë e Korçë.