Ditën e mërkure, datë 10 tetor, ora 18:30, në hollin kryesor të Muzeut Historik Kombëtar në Tiranë, hapet ekspozita
"VLORA NË SHEKULLIN E PAVARËSISË” me autor arkitektin Pirro Stefa.
Kjo ekspozitë, e cila do të qëndrojë e hapur deri më 14 tetor, shpalos rreth 400 gravura, vizatime, harta, foto te vjetra dhe kartëpostale. Objektet e ekspozuara, pjesë e koleksionit të Stefës, janë harta mesjetare të realizuara nga lundërtarë e udhëtarë, vepra arti, foto të kohës dhe kartepostale të vjetra, të cilat pasqyrojnë qytetin, pazarin, jetën e zakonshme qytetare, arkitekturën, objektet religjioze dhe të kultit, bregdetin, rrugën Vlore-Skelë, Sheshin e Flamurit, ekonominë, luftërat dhe të huajt, fate njerëzish e kostume, nostalgjinë për qytetin e vjetër që ndryshon dhe humbet si rezultat i zhvillimit, vitet e socializmit etj.
Ekspozita do të shoqërohet nga dokumentari “Vlora - ky Qytet...”, i cili gërsheton transformimin shekullor te Vlorës prej kohës së Pavarësisë deri sot, realizuar nga gazetarja Mona Stefa dhe operator
Dashamir Balla.