Deri në datën 19 tetor përgjatë pedonales "Murat Toptani" në Tiranë
mund të vizitoni në natyrë ekspozita fotografike
"A Balkan Tale" (Një përrallë ballkanase), një projekt i Institutit
gjerman Goethe, i realizuar me ndihmën financiare të Bashkimit Evropian. Ky është një projekt mediatik, i bazuar në një ekspozitë prej 50 fotografish të përzgjedhura të monumenteve muslimane,
krishtere dhe hebre në Ballkan, nga pesë fotografë nga Athina, Beogradi, Prizreni, Shkup dhe Tirana, fitues të çmimeve të ndryshme.
Fotografitë janë të shoqëruara me tekste të shkruara nga një ekip historianësh të rajonit, një dokumentar, programe edukative, shëtitje historike dhe konkurse fotografie për fëmijët e shkollës dhe të rriturit. Ekspozita shoqërohet gjithashtu nga një shëtitje zanore, një instalacion parfumesh të epokës osmane, si dhe një katalog me
ngjyra, në dispozicion për shitje, në anglisht, në vendet ku kjo ekspozitë do të shëtisë.
Në kinemanë “Millenium”, bri pedonales, do të shfaqet filmi dokumentar "Silent Balkans".