Nga data 7-13 tetor, në Tiranë do të mbahet edicioni i 13-të i Festivali i Filmit Shqiptar. Ky festival që rikthehet në kryeqytet pas një mungese gjashtë vjeçare sivjet titullohet “Festivali XIII i
Filmit Shqiptar në 100-vjet Pavarësi”.
Sipas Qendrës Kombëtare Kinematografike në këtë aktivitet pritet
të jenë në konkurrim 16 filma artistikë me metrazh të gjatë, rreth 25 filma artistikë më metrazh të shkurtër si dhe rreth 20 filma dokumentarë.
Festivali do të përfshijë katër seksione në konkurrim: filmin artistik,
dokumentarin, filmin e shkurtër, filmin e animuar, si dhe seksione të
tjera promovuese. Në konkurrim do të mund të marrin pjesë dhe artistë shqiptarë nga Kosova dhe Maqedonia.
Pritet që në konkurrim futen të gjithë filmat artistikë me metrazh të gjatë që janë prodhuar në gjashtë vitet e fundit si “Trishtimi i zonjës Shnajder” i Pirro dhe Eno Milkanit, “Lindje-Perëndim- Lindje” i Gjergj Xhuvanit, “Ne dhe Lenini” i Saimir Kumbaros, “Sekretet” i Spartak Pecanit, “Gjallë” i Artan Minarollit, “Koha e kometës” i Fatmir Koçit, “Ballkan Bazaar” i Edmond Budinës, “Maya” 2011 i Pluton Vasit,
“Pharmakon” i Jonit Shanajt, “Out of Touch” i Andi Delianës, “Amnistia” 2011 i Bujar Alimanit, etj