Në kuadrin e “Tetorit Gjerman’, që organizohet çdo vit nga Ambasada e Republikës Federale të Gjermanisë në Tiranë, këtë javë në Tiranë do të organizohen një sërë konferencash me temë marrëdhëniet shqiptarogjermane në fusha të ndryshme të jetës.
Në datën 8 tetor, nga ora 17:00 deri në orën 19:00, në ambientet e Ambasadës së Republikës Federale të Gjermanisë në Tiranë zhvillohet konferenca me temë “20 vjet program në shqip i radios Duetsche Welle”.
Ditën e mërkurë, datë 10 tetor, me rastin e 25- vjetorit të rivendosjes së marrëdhënieve diplomatike midis Republikës
së Shqipërisë dhe Republikës Federale të Gjermanisë, Akademia
Diplomatike e Ministrisë së Punëve të Jashtme të Republikës së Shqipërisë, Ambasada e Republikës Federale të Gjermanisë dhe Fondacioni Hanns- Seidel organizojnë konferencën me temë:
„Nga izolimi drejt integrimit europian“.
Po me datë 10 tetor, Ministria Shqiptare e Mbrojtjes do të organizojë një simpozium shkencor mbi marrëdhëniet gjermano-shqiptare në epokën e luftërave botërore.