Ditën e martë, datë 9 tetor, ora 19:00 grupi zviceriano-shqiptar i xhazit “Guralumi”, do të japë një koncert me muzikë xhaz në sallën “Black Box” të Universitetit të Arteve në Tiranë.
Grupi i xhazit Guralumi i themeluar në vitin 2005 nga pianisti
Gjon Guralumi së bashku me studentë dhe muzikantë të
Konservatorit të Lozanës, bashkon motive tradicionale të folklorit nga Ballkani me stilet moderne të tilla si; Funk, Jazz dhe Rock. Me
melodi të bukura, stil të fuqishëm ballkanik dhe pak shije xhazi, grupi i përbërë nga Morgane Gally (vokal), Krenar Arifi (kitarë), Tiziano Tomasetti (kontrabas), Xavier Good (saksofon) dhe Lukas Knöpfel (bateri) ka magjepsur vazhdimisht publikun e tyre. Grupi
Guralumi është një kombinim perfekt i tre muzikantëve nga zona gjuhësore të ndryshme të Zvicrës, si dhe një muzikanti shqiptar dhe një kosovar.
Në kuadrin e një turneu nëpër Shqipëri ky grup do performojë edhe në Korçë dhe Lezhë.
Turneu i tij në vendin tonë është pjesë e festimeve për 100-Vjetorin e Pavarësisë së Shqipërisë dhe një kontribut i Zvicrës për "Tetorin Gjerman". Ky aktivitet organizohet në kuadrin e Tetorit Gjerman në Shqipëri.
Programin e plotë të aktiviteteve të Tetorit Gjerman në Shqipëri mund ta gjeni :
www.tetori-gjerman.com