Ditën e shtunë pas dite, datë 29 shtator, Shoqata Gjermane e
Industrisë dhe Tregtisë në Shqipëri (DIHA) do të organizojë në resortin “Te Stela” në autostradën Tiranë - Durrës, sërish një festë birre, e cila lidh traditën e “Oktoberfest-it“ në Munih me kulturën festive shqiptare.
Hapja e fuçisë së birrës, sharmi bavarez, birra gjermane dhe
shqiptare, galetat dhe ushqime të tjera do të krijojnë një atmosferë të këndshme dhe festive gjermane. Festa do të shoqërohet me muzikë bavareze, rock dhe pop nga grupi gjerman “Gaudiblosn”.
Kjo festë shërben jo vetëm si një mundësi argëtimi, por edhe takime të anëtarëve të DIHA-s dhe firmave e institucioneve shqiptare dhe gjermane si dhe të komunitetit të biznesit të huaj në Shqipëri.
Festa e birrës do të mundësojë shkëmbimin e kontakteve dhe
takimeve mes partnerëve të biznesit dhe miqve të shumtë.
Edhe kjo festë është pjesë e programit të pasur të aktiviteteve të javëve të kulturës gjermane në Shqipëri.

Për më shumë informacion rreth festës drejtohuni DIHA-s:
Telefon: +355 (0) 4 222 7146;
e-mail: info@dih-al.com;
Internet: www.dih-al.com